VIGAN CITY – Nairugin ti pannakaputar dagiti pagannurotan iti panaglukat ti turismo ti probinsia tapno maibangon ti ekonomia a naapektaran gapu iti Covid19 pandemic ken mayuray tapno nakasagana met la ti amin no man bilang malukatanen ti turismo.
Iti pannaki-uman ti Bombo Radyo Vigan ken ni Mayor Juan Carlo Medina, saanda pay a nakita ti pagannurotan ti Baguio City nga immuna a pinasingkedanna iti kallabes nga isu ti pagibasaran iti panaglukat ti turismo iti rehion uno.
Gapu ta naisanud ti panaglukat ti turismo idiay Baguio City ta kasapulan pay a maisayangkat ti pilot testing iti antigen test nga aramatenda tapno masigurado met laeng a natalged ket mangbukel ti siudad ti bukod a pagannurotan tapno saan a maisagmak ti salun-at dagiti turista.
Malimitaran laeng dagiti mapalubosan nga umay agpasiar ken adda travel itinerary a pakailanadan dagiti papanan dagiti turista nga agsangpet ta babaen ti dayta ket nalaklaka ti pannakaisayangkat ti contact tracing no man bilang nakapulapolda dagiti positibo iti Covid19 a pasyente.
