Nagipilan ti grupo ni Atty. Ferdinand Topacio ti ethics complaint kontra ken ni Senator Risa Hontiveros idiay Senado.
Ti reklamo ket mainaig ti witness tampering wenno mapapti a panagpasuksok ti senadora kadagiti testigo kontra ken ni Kingdom of Jesus Christ (KOJC) founder Pastor Apollo Quiboloy.
Kadua ni Topacio da Atty. Jacinto Paras ken Manuel Luna a nagturong idiay Senado a nagipila iti complaint ken ni Hontiveros iti Senate Committee on Ethics.
Maipalagip nga inakusaran ni Micheal Maurillo wenno alyas Rene ti senador a binayadanna iti P1 million tapno agsarita iti seryoso a kaso kontra ken ni Pastor Quiboloy ken iraman da dati a President Rodrigo Duterte ken Vice President Sara Duterte.
Immunan a kinuna ni Hontiveros a nakasagana a mangsango iti aniaman a reklamo a maipila kontra kenkuana.
