VIGAN CITY – Nag- rally idi December 10 idiay sanguanan ti kapitolyo dagiti miyembro ti Makabayan Bloc, Anakbayan, Bayan Muna, Stop Exploitation, Mannalon manipod Ilocos Norte ken La Union ta inpeksada iti anannayenda inaig dagiti mapaspasamak ditoy pagilian.
Natalinaay iti nasao a rally agsipud ta insigida nga adda iti naiwaras a kameng ti Philippine National Police a naggapu idiay Ilocos Sur Police Provincial Office.
Saan a mismo a ti panangimanehar iti provincial government iti irekreklamo dagiti nagprotesta nu di ket dagiti mapaspasamak ditoy pagilian ken idiay sangwanan iti kapitolyo iti nagprotestaan da agsipud ta isu iti ayan ti turay ditoy probinsiya a naigiddato pay iti selebrasyon ti Human Rights Day idi kalman.
Adda iti plakards dagiti nagprotesta a nakaikabilan iti panangkondenar da iti mapapati a panagabuso iti karbengan dagiti tattao dagiti militar ken mapapati a panangbay-bay-a kadakuada iti gobiyerno.
Disnudo met laeng a pimmanaw dagiti nagprotesta idi naipeksa da dagiti saksakiten iti nakem da.
