Nagprotesta manen dagiti nadumaduma a grupo dagiti health worker iti asideg ti opisina ti Department of Health tapno ipanawagan ti panagikkat iti puesto ni Secretary Ted Herbosa gapu kadagiti nakairamananna nga isyu.
Maysa ditoy ti panaganamong ni Herbosa nga yakar ti binilion a pisos a sobra a pondo ti Philhealth iti National Treasury, nangruna ta isuna latta ti Chairperson ti Philhealth Board of Directors.
Iyunay-unay dagiti health worker a saan a maibaga a sobra ti pondo ta resulta daytoy ti underspending ti Philhealth iti panangpaadu dagiti benefit packagaes ken nababa a gastos dagiti pasyente.
Malaksid dayta, adu a bakuna ken agas ti nasayang gapu iti kinamanag-baybay-a ti DOH, a rebbengna koma a naganar ti publiko.
Saan pay a naipakaammo ti opisial ti agdama a sitwasion kadagiti super health centers a napondoan babaen iti Health Facilities Enhancement Program ti 2036 budget gapu iti kurang a tignay.
