VIGAN CITY – Nabukel ti maysa grupo a naawagan nga Act As One Philippines tapnu matulungan dagiti opisyal a mangsango iti agdama a krisis gapu ti COVID- 19.
Ti pannaki-uman ti Bombo Radyo Vigan ken ni Anakalusugan Partylist Mike Defensor, ingunam-gunam na nga awan iti pulitika iti pannakabukel iti nasao a grupo.
Dagiti maur-or iti nasao a grupo ket maipan ti maysa a kolehiyo idiay University of the Philippines sakbay a maiwaras kadagiti hospital-beneficiaries kas ti Lung Center of the Philippines, Research Institute for Tropical Medicine ken National Kidney Transplant Institute.
Ti agdama, umaboten ti 7,000 a PPE iti naited iti nasao a grupo, pakairamanan ti 15, 000 a face masks.
Malaksid iti dayta, adda pay iti inpatakder da a dakkel a tent idiay Lung Center of the Philippines ken nagipatakder da pay ti dormitory a pagturugan dagiti health worker idiay UP Diliman.
Namnamaen da a ti saan a mabayag ket makaipatakder da ti pagtalinaedan dagiti PUM ken PUI kasta pay para dagiti adda ti mild symtomps na a masapul a maipaayan iti naan-anay nga atensyon-medikal ngem saanen a masapul a maipan iti ospital.
