--Ads--
Nauram ti kabambantayan a paset ti Barangay Ansad, San Esteban, Ilocos Sur.
Daytoy ket naipakaammo iti San Esteban Police Station babaen ken ni PCpl. Mike Favo, agtawen iti tallopulo ket lima, agnaed iti Barangay Cappa-Cappa, San Esteban.
Tinurong a dagus daytoy dagiti pannakabagi ti linteg ket idi madanon ti lugar, nakitinnulong dagiti kapulisan iti nagresponde a Bureau of Fire Protection, Municipal Disaster Risk Reduction and Management Council ken dagiti barangay official ti nasao a barangay.
Nagtitinnulong dagiti responding team tapno madepdep ti uram iti kabambantayan ket saanen nga agkayamkam pay kadagiti kaasidegna a lugar.
-- ADVERTISEMENT --
Nakiddaw met ti tulong dagiti bumbero manipud Santiago ken Sta. Maria.
