VIGAN CITY – Mangrugi a maisayangkat inton bigat, October 4 agingga October 7, 2022 ti Grand Marian Celebration ket maipan iti seminaryo wenno Immaculate Concepion School of Theology dagiti agduduma a Marian images iti Northern Luzon.
Maaddaan iti Grand Procession kadagiti Marian images inton October 7 kalpasan ti misa iti alas singko iti malem pakairamanan ti Immaculate Conception, Nuestra Señora de Covadonga, Nuestra Señora del Mar Cautiva, Nuestra Señora dela Caridad, Our Lady of Badoc, Our Lady of Good Harvest, Our Lady of Guibang, Our Lady of La Salette, Our Lady of Manaoag, Our Lady of Namacpacan ken Our Lady of Piat.
Addaan pay ti pilgrim’s mass iti tunggal alas nuebe iti bigat iti aldaw ti Sabado.
Maipalagip nga idi August 8 iti agdama a tawen ket naselebraran ti 200 Years of Priestly Formation iti Northern Luzon babaen ti opening of the Jubilee Door iti Syquia – Quirino Memorial Chapel iti Immaculate Conception School of Theology.
