--Ads--
VIGAN CITY– Naipaima kadagiti kameng ti Sto. Domingo Municipal Police Station ti Fragmentation Grenade a nasarakan ti maysa a mannalon idiay Brgy. Camestizoan, Sto. Domingo idi bigat kalman.
Maibasar iti report, agtrabtrabaho ni Guillermo Villa, naasawaan nga agnaed iti nasao a barangay, ti daan a kalapaw ni Eddie Tesoro idi nakita na ti granada a naikarga iti sling bag isu nga inpakaammo na kenni Brgy. Captain Jaypee Walter Paiz nga isun iti nangireport kadagiti otoridad.
