Nadunor ti nadumaduma a paset ti bagi ti maysa a graduating student a nagmaneho iti motorsiklo gapu iti pannaka-aksidentena idiay Barangay Bimmanga, Tagudin, Ilocos Sur.
Nabigbig ti drayber a ni Mackenzie Mundiz Lacuna, agtawen iti duapulo ket maysa, taga-San Jose, Candon City.
Iti pannaki-uman ti Bombo Radyo Vigan ken ni Police Major Kleyvan Paycao Dalang, agpapa-abagatan ti motorsiklo ket idi nagtengna ti nakapasamakan ti insidente, saan a nakontrol ti drayber ti manibelana ket naidungpar iti steel barrier ti kalsada ken iti steel gate ti Tagudin Everlasting Memorial Garden.
Gapu dayta, nadunor ti nadumaduma a paset ti bagi ti drayber a naitaray iti ospital para iti naan-anay a pannakatamingna.
Natakuatan a napan nakiselebrar ti drayber para iti umadani a graduation-da ngem mapapati a nasobraanna ti naginom isu a naaksidente.
