VIGAN CITY – Saan a namnamaen ni Cleotilde Gironella a nagadal manipod North Luzon Philippines State College – Candon nga ag-Top 6 iti midwifery board exam.
Iti pannaki-uman ti Bombo Radyo Vigan ken ni Gironella, gapu iti panagreview ken napalaus iti panag-puyat nga isu ti kadakkelan a panagsakripisyoda ket aduda a nakapasa manipod NLPSC ket yamanenna iti pannakairamanna iti kas top 6 babaen ti 89.05% a rating.
Segun ken ni Gironella, adu iti rimmuar a naadalda iti eksaminasyon ngem adda latta dagiti saan isu a napalaus ti panagdanagna idi nalpasan iti exam.
Impagarupda nga inton Lunes pay laeng a mairuar ti resulta ngem nakigtot idi timmawag ti maysa nga instructor-na ket impakammona a nakapasa ken top 6 pay isu a napalaus iti ragsakna.
Imbingayna nga arapaapna iti agbalin a Doctor ket gapu iti panangidiaya ti NLPSC iti 4-year degree course a mainaig iti medical courses ket nangala ti Midwifery tapno isu ti aramatenna tapno makastrek ti med school.
VC – TOP 6 TI MIDWIFERY BOARD EXAM CLEOTILDE GIRONELLA
