Grade 9 student iti ili ti Narvacan, mapukpukaw

VIGAN CITY – Mapukpukaw ni Nathaniel Cacanidin Arce, agtawen iti sangapulo ket lima, grade 9 student, taga-Barangay Sulvec, Narvacan.

Nagreport ni Nathalie Cacanidin Arce, agtawen iti sangapulo ket innem kadagiti pannakabagi ti linteg a ti kabsatna ket mapukpukaw.

Idi July 10, naglibas ni Nathaniel iti pagtaenganda gapu ta binaot ti lolana iti barikes gapu iti madi a naarmidna.

Innayon ti kabsat ti nasao a missing person nga iti baet ti panangikagumaanda a masapulan ngem saanda a nagballigi.

Naudi a nakita ni Nathaniel a nakasuot iti red a Thisrt ken red a short ken 5’3 ti katayagna.