VIGAN CITY- Kaso nga administratibo ken acts of lasciviousness in relation to Child Abuse iti sangwen iti maysa a mangisursuro iti pampubliko a pagadalan idiay ili ti Sto. Domingo gapu ti mapapati a panangmolestiya na ti maysa a Grade 6 pupil nga agtawen iti sangapulo.
Ti pannaki-uman ti Bombo Radyo Vigan iti ina ti biktima, naibaga kenkuana ti anak na a maminlima a daras nga inammalan ti suspek iti mabagbagi ti anak na idi pinursaran na nga insali ti pasalip uray nu saan a nakasagana a rason nu apay a saanen a sumsumrek iti pagadalan ti ubing.
Inpatangken ti ina ti biktima a saan da nga ipa-areglo iti kaso nga inpila da ta awan iti gatad a makaisubli ti dayaw ti anak na ken tapnu maikkan ti pagnakman ti suspek ket saanen a makabiktima iti sabali pay.
