VIGAN CITY – Dead on arrival ni Mark Lawrence Canezo, agtawen iti sangapulo ket walo, grade 11 student, taga-Laslasong Norte, Sta. Marisa gapu ti pannakadisgrasyana kabayatan ti panagmanehona iti motorsiklo idiay Barangay Nalvo iti nasao nga ili.
Nabigbig met ti backrider na a ni Daniel Jeffrey Colico Domingo, agtawen iti sangapulo ket siam, taga-Barangay Laslasong Norte.
Iti pannaki-uman ti Bombo Radyo Vigan ken ni Police Captain Randy Laureta, naggapu a nakiinninom dagiti nagkalubbon ken awan ti helmetda idi napasamak ti aksidente.
Agpapadaya a direksyon ti Yamaha Sniper a motorsiklo a minaneho ni Canezo ket idi dumanon iti kurbaan a paset ti kalsada, naawanan ti kontrol iti manibela ti luganna ket naitinnag iti concrete canal.
Nagsagaba dagiti nagkalubbon iti dunor ket naipaagasda iti ospital ngem saanen a nakalasat ti drayber a nagsagrap iti dunor iti paset ti akin-kannawan a kidayna ken posible a nag-internal hemorrhage.
