VIGAN CITY – Naalaan ti marijuana iti maysa a Grade 11 student iti Suyo National High School babaen ti panangipakaammo ni Edgar Angagan nga adviser-na kadagiti pannakabagi ti linteg ti Suyo Police Station.
Nabigbig ti suspek a ni Christian Sagay Abbel, agtawen ti duapulo ket dua, estudyante ti nasao a pagadalan, ken residente ti Baragay Uso, Suyo.
Iti pannaki-uman ti Bombo Radyo Vigan ken ni Police Captain Godofredo Ribuyaco iti Suyo Municipal Police Station, idi Abril disinuebe, nangisayangkat iti nasao a pagadalan ti search and confiscation no adda cheating material dagiti estudyante iti uneg ti bag kas paset ti Standard Operation Procedure ti pagadalan para ti quarterly examination agingga napansin ti adviser ti nasao nga estudyate iti nabungun iti papel ti uneg ti bag na. idi linukatanna, naduktalan ti dried marijuana leaves a mapatta-patta a maysa a gramo ken aggatad ti P120 pesos a naipan ti transparent plastic.
Segun ken ni Ribuyaco, saan a dagus a naipakaammo kadakuada ti pasamak gapu iti nagsasaruno nga awan ti klase da.
Dumalan ti suspek iti preliminary investigation, ken regular filing, bayat nga agtultuloy ti imbestigasyonda tapno mamoan no nagapuan iti marijuana.
Innayon ni Ribuyaco nga inrason ti suspek a naggapu ti menor de edad nga estudyante manaipud iti nasao met laeng a pagadalan a mapapati a mar-aramatpara ti medicinal purposes.
Mensahe ni Ribuyaco nga agbalin a pagsarmingan ti napasamak nga insidente kadagiti estudyante.
