VIGAN CITY – Maragsakan ni Khrizia Yvonne Aquino nga agbasbasa iti Narvacan National Highschool a dakkel a dayaw kenkuana iti makaiyawid iti silver medal iti badminton Singles Secondary idi nakipagpaset iti R1AA idiay Pangasinan.
Iti pannakiuman ti Bombo Radyo Vigan kenkuana, nagtraining isuna idiay Bulacan ta ditoy a mas natutukan ida ken naisuro kadakuada dagiti techniques a kasapulanda iti laban.
Segun kenkuana , nangrugi idi Grade 6 idi kayat na a maadaan ti sports ket immuna nga inpadas na iti volleyball sakbay a napan iti badminton.
Nupay kunana a narigat a balansien ti panagbasa ken ti panagay-ayamna iti badminton ,araramidenna amin a kabaelanna babaen iti panangipaayna iti oras iti panagtraining kagiddan iti saanna a panangbaybay-a iti panagbasa na.
