VIGAN CITY – Pinasingkedan ni Police Major Rodel Del Castillo, hepe ti Santa municipal police station, a ti Grade 10 student a timpuwak iti karayan a kumamang kadagiti coastal barangayas idiay Santa idi rabii idi April 20 ket binagbagaan ti ina na a saan unay nga agin-inom ngem isu iti kinagura na a mapapati nga isu iti rason iti gandat na a pagpakamatayan ngem naatipa babaen kadagiti mangngalap a nakakita kenkuana.
Segun ken ni Del Castillo, awan iti kadua ti biktima idi napasamak iti insidente ta idi naungtanen ket sigud a pimmanaw ken saan a nagpakpakada nu papanan na.
Mapapati a natibab iti kasinsin na ti biktima ta umingar idi bagbagaan ti ina na nga isu pay iti posible a maysa kadagiti nakasairan iti rikna na.
Maipalagip a ti damo ket iti panagsina ti biktima ken ti nobya na iti maitudtudo a rason iti gandat na a pagpakamatayan ngem maibasar iti naun-uneg nga imbestigasyon, naamuan met laeng a gapu iti panangbagbaga kenkuana ti ina na iti rason ti biktima.
