--Ads--
Naka-code white alert ti amin a government hospital gapu iti gagangay a rason nga adu dagiti maipan kadagiti emergency room iti panawen ti panangrambak iti Paskua ken Baro a Tawen, kas kadagiti sakit iti puso ken dagiti peggad nga ipaay ti papalibang, agraman dagiti aksidente iti kalsada.
Dagiti kaso ti stroke ken heart attack ti umuna kadagiti pangta iti salun-at dagiti Pilipino iti baet ti panangrambak ken kinaadu dagiti taraon.
Segun ken ni Sec. Ted Herbosa, dagiti pasyente iti stroke ket umub-ubingen ta umab-abot laeng iti tawenda iti 29.
Pinalagipan ti Department of Health dagiti Pilipino nga annadan ti bagida tapno naragsak ken nasalun-atda a mangsarabo iti Baro a Tawen.
-- ADVERTISEMENT --
