Nakasagana ni Ilocos Sur Governor Ryan Singson a tumulong iti aniya man a kasapolan ni Blessie Torres tapno makaawid ken makita na iti maudi a gundaway iti anak na a ni Fabel.
Segun kenni Singson, no adda man iti parikot iti ticket nga agawid ni Torres ket iti provincial government ken personal a tumulong ti gobernador tapno napaspas iti proseso iti panagawid ti ina ti biktima iti pammaltog ken pannakarames.
Innayon ti gobernador a nakapagsarita dan kenni Dra. Trina Tabboga Talaga a dumalan laengen iti home quarantine ni Torres ken maimonitor a nainget ken maidalan iti rapid test tapno awan iti agbalin a parikot iti pamilya na a makapulapol na.
Ingkari ti opisyal a no aniyaman iti maitulong na iti pamilya ti biktima ket saan da a mabain nga umasideg ken mangipakammu kenkuana.
