VIGAN CITY – Nagunod ni Govenor Jerry Singson ti maikadua a Top performing Governor iti intero a rehiyon uno para ti tawen 2022 kalpasan ti pannakaiyuswat ti survey ti RP-Mission and Development Foundation Incorporated.
Walopulo ket walo a porsiento iti rating a naala ni Governor Singson; Top 1 met iti listaan ti gobernador ti Ilocos Norte a ni Matthew Marcos Manotoc nga addaan ti 90% rating; maikatlo iti listaan nga addaan ti 87% rating ti gobernador iti La union a ni Rafy Ortega David ken maikapat iti mangidadaulo iti Pangasinan nga addaan ti 85% rating a ni Ramon Guico III.
Malaksid dayta, nagun-od ni Candon City Mayor Eric Singson ti maikadua a puesto iti Philippine Top Performing City Mayors iti national level nga addaan ti 94% rating , sarunwenna iti nagtop 1 a ni Mayor Joy Belmonte ti Quezon City nga addaan ti 95% rating.
Top 3 iti Top District Representatives iti national level ni 2nd District Congresswoman Kristine Singson –Meehan nga addaan ti 93% rating kapada na ni Ilocos Norte 1st District Congressman Sandro Marcos ken ni Navotas City Congressman Toby Tiangco. agpada nga adda iti Top 1 da Pampanga Representative Congresswoman Gloria Macapagal Arroyo ken ni Cavite Representative Jolo Revilla nga agpada a nakaala ti 95% rating, maikadua met a puesto da Cebue Representative Duke Frasco ken Cebu Representative Pablo John Garcia a nakaala ti agpada a 94% rating.
Naiyuswat ti survey idi November 27 agingga December 2, idi napan a tawen
