VIGAN CITY – Kwalipikado iti Grant of Career Service Eligibility Preference Rating dagiti government official nagexam idi March 2024 Civil Service Examination a nakaala iti 70 percent ken dagiti pay sumarsarunonto pay nga eksaminasyon.
Iti pannaki-uman ti Bombo Radyo Vigan ken ni CSC Ilocos Sur Provincial Director Marina Cabañero, masapul a dagiti government worker nga agapply ket adda sangapulo a tawendan iti serbisyo wenno nasursurok pay ken adda “very satisfactory” a rating-da tapno maited kadakuada ti 10 percent a nayun ti 70 percent a naalada iti exam tapno maisurot met laeng iti 80 percent a passing rate.
Mabalin nga aggaply dagiti job order, contract of service worker, casual, contractual ken coterminous employee.
Ti addang ket gapu kadagiti government worker a nabayagen iti serbisyo ngem narigatda a makapasa.
Dagiti agapply ket masapulda iti mang-fill-out iti CSC form 101 a mabalin a maidownload iti CSC website, passport sized picture with white background, original ken photocopy ti valid ID ken adda mabayadan nga evaluation ken processing fee.
Ti grant ket agpada a maited kadagiti nagexam iti Professional ken Sub-Professional level.
