Nagballaag ti National Privacy Commission iti nadagdagsen a pannusa no ti maysa nga opisial ti gobierno ti aglabsing iti Data Privacy Act.
Segun ken ni NPC Deputy Commissioner Atty. Jose Amelito Belarmino II, amin nga umili ket adda sungsungbatanna iti linteg, ngem nangatngato ti pagibasaran kadagiti adda iti gobierno ta isuda ti agserserbi a pagwadan.
No ti maysa a public official ti aglabsing, malaksid iti muelta ken kaso ket mabalinda pay a tungpal-biag a maparitan nga agiggem iti ania man a posision iti gobierno.
Gagemna daytoy a masigurado a dagiti agserserbi iti pagilian ket responsible a mangiggem kadagiti personal nga impormasion ti publiko ken mapagtalinaed ti talek dagiti umili.
Innayon ti NPC a saan laeng nga opisial ti gobierno no di ket amin nga umili ti sakup ti linteg, ngem no public servant ti nagbiddut, nadagdagsen ti pannusa a sangwenna.
