VIGAN CITY – Awan iti aniaman a narikna nga epekto iti salun-at ni Governor Ryan Singson dua nga aldaw kalpasan iti panagbakunana kontra covid-19.
Iti pannaki-uman iti Bombo Radyo Vigan ken ni Gov. Singson, manarimaan iti panang-monitor iti salun-atna ni Dr. Trina Tabogga Talaga a chief of Hospital iti Ilocos Sur Provincial Hospital – Gabriela Silang tapno masigurado a natalged.
Segun ti gobernador, Pfizer BioNtech covid-19 vaccine iti naaramat a bakuna kenkuana ket naisayangkat iti panagbakunana iti siudad ti Vigan.
Nupay madanagan gapu iti pammati a bumaba iti immune system dagiti mabakunaan iti Pfizer vaccine ket natalek a sumayaat iti kasasaadna ken masalakniban kontra covid-19 kalpasan iti pannakabakunana.
Kabayatanna, inallukoyna ti publiko nga agbakunan kontra covid tapno masalakniban iti bagi kontra iti virus.
Iti agdama, namnamaen ti gobernador ti pannakasangpet iti ingkari ni vaccine czar Carlito Galvez Jr a sangapulo a ribo a covid-19 vaccine tapno adu pay iti mabakunaan.
