VIGAN CITY – Adalen ti Ilocos Sur Provincial Government no ania dagiti addang a mabalinda nga aramiden tapno masungbatan ti parikut dagiti agindeg idiay Barangay San Pedro, Narvacan, Ilocos Sur a tunggal adda bagyo ket agteppang ti kalsada a kumamang iti ili.
Iti pannaki-uman ti Bombo Radyo Vigan ken ni Singson, kitaenda no ania ti parikut iti nasao a banag ken impaganetgetna ti kinapateg ti dredging iti karayan tapno saan a lalayusen dagiti lugar.
Impanamnama met ti gobernador nga iti kabiitan a panawen ket aramidenda amin a kabaelanda tapno masulbar ti daytoy a parikut.
Maipalagip nga iti baet ti epekto ti habagat a napasaran iti probinsia, nateppang ti kalsada iti nasao a barangay isu a marigatan dagiti umili a makalasat a mapan iti ili a gumatang kadagiti kasapulanda.
