VIGAN CITY – Iyawid iti Team Philippines ti Gold ken Silver medal ta nangabakda iti kalkalpas a World Robot Competition 2022 a napasamak idiay The Hub, Seer Ransit, Pathin, Thani, Thailand.
Iti pannaki-uman ti Bombo Radyo Vigan ken ni Vince Cardenas, maysa kadagiti Robotics coach, proud isuna iti pannangabak ti Team Philippines babaen ti panangirepresentar ti Narvacan National Central High School Students.
Dagiti nakaala ti Gold Medal ket da Jhenny Carta, Joana de Leon, Algine Mendoza, ken Ysrael Caneso idinto a ti Silver Medalists ket da Sofia Dominique Cabellon, Precious Rafanan, Klyde Joshuel Langiden, ken Justin Sambaan.
Segun ken ni Cardenas, uppat a pulo ket innem ti delegation manipod uppat a pagilian a pakairamanan ti Thailand, Taiwan, Malaysia ken ti Pilipinas nga uppat iti simmali a grupo.
Inlawlawag ni Cardenas a ti winning master piece dagiti estudyante ket mangisimbolo iti panagselebrar iti piesta iti pagilian a ti Carnaval idiay Narvacan ti nagbalin a konseptoda ken ti paskua a selselebraran ti pagilian.
Naaddaanda ti maysa nga ID ken uppat a micro-chips a ti sequence-na ket agtultuloy a banag a nagballigianda.
Nupay kasta, nagyaman ni Cardenas iti amin a simmuporta kadakuada kangrunaan ti NNCHS ken dagiti timmulong kadakuada tapno makadanonda idiay Thailand tapno ibandera iti pagilian.
VOICE OF COACH VINCE CARDENAS
Kabayatanna, emosyonal ni NNCHS Principal Emil Ayson Jr iti pannangabak ti Team Philippines ta ibilangna a simplest ken humblest in form material gapu ti kurang a budget nga inaramat dagiti estudyante ken recycled dagiti inaramatda ngem nadepensaranda iti konseptoda babaen ti panangilawlawagda.
VOICE OF NNCHS PRINCIPAL EMIL AYSON JR.
