Makikamkammayet ti gobierno iti Pilipinas iti host countries tapno salakniban ti karbengan dagiti overseas Filipino worker kangrunaan iti panangsigurado ti kinatalged ken humane working conditions kas kinuna ni President Ferdinand Marcos Jr.
Segun ken ni President Marcos, aramiden amin a kabaelan iti administrasyonna tapno masigurado ti smooth employment ken deployment iti processes para kadagiti OFW.
Kinuna ni Marcos a nainget iti pannakikammayetda iti agduduma apagiulian nga agaw-awat kadagiti mangmangged tapno makabukel ti bilateral labor agreement tapno masigurado a natalged ken makatao iti trabaho ken maikkan iti gundaway a mapadur-as dagiti Pilipino.
Impanamnamana iti napinpintas nga opportunidad nga agur-uray kadagiti OFWs a kayatna iti agsubli iti pagilian tapno ag-for good.
Agtultuloy iti panangiyetnag iti gobierno kadagiti programa, proyekto ken serbisyo a gagem a masalakniban ken maipangruna iti pagsayaatan dagiti OFW.
VIDEO – PRESIDENT FERDINAND MARCOS JR.
