Nakasaganan ti Philippine government iti posible a mandatory repatriation para kadagiti Pilipino a naapektaran iti tensyon idiay Israel.
Segun ken ni Department of Migrant Workers Secretary Hans Leo Cacdac, maysa daytoy kadagiti pammilin ni Presidente Ferdinand Marcos Jr iti baet ti kumarkaro a tensyon kadagiti nasao a rehion.
Nakasaganadan iti posible a mass repatriation no bilang ingato ti Department of Foreign Affairs ti alert level idiay Israel.
Iti agdama, umabot iti nasurok 30,000 a Pilipino idiay Israel ti agdama nga apektado iti riribuk ken 92 ti nagkiddaw nga agawid ditoy pagilian.
Impasigurado ti DMW ken OWWA nga adda agur-uray a tulong kadagiti Pilipino nga apektado iti tensyon iti lugar ken agtultuloy ti pannakibinnuligda iti Israeli government tapno masigurado ti kinatalged dagiti Pilipino.
