Pinasingkedan ni Agriculture Secretary Francisco Tiu Laurel Jr. nga adda umanay a pagibasaran tapno ideklarar ti food security emergency gapu iti agtaltalinaed a nangina a presyo iti bagas uray pay naiyetnag ti nababa a taripa iti imported rice.
Segun ken ni Laurel, nalawag iti listaan bayat iti panangipresentarda iti National Price Coordinating Council.
Kinunana nga ur-urayenda iti National Price Coordinating Council a pormal nga itransmit iti rekomendasyon iti agriculture department para iti deklarasyon ti food security emergency.
Innayonna nga apaman a maawatda ket kiddawenna iti komento ni President Ferdinand Marcos Jr.
Iti baro nga enacted Republic Act 12078 wenno ti Agricultural Tariffication Act, apaman a mairekomendar iti NPCC ket mabalin nga ideklarar ti Department of Agriculture ti food security emergency tapno matignayan ti pagkurangan ti suplay wenno panagngina iti presyo ti bagas.
