Kinumpirmaran ni Finance Secretary Ralph Recto a gapu ti ghost projects ket napukawan iti gobierno ti P42.3 billion agingga P118.5 billion manipod 2023 agingga 2025.
Segun ken ni Recto bayat ti briefing iti Development Budget Coordination Committee, katukad dayta iti 95,000 agingga 266,000 a trabaho a rumbeng a pakairnudan dagiti Pilipino.
Kagiddan iti panangkondenar kadagiti maanomalya a flood control projects ket kinuna ni Recto a suportaranna ti addang ni President Ferdinand Marcos Jr. a tutokan a nasayaat iti panangadal iti 2026 national budget.
Rumbeng a masigurado nga awan ti ghost projects, awan ti korapsyon ken awan iti masayang a piso iti 2026 national budget.
Iti panangtratar iti national expenditure program ket dua a polisiya iti impatungpal iti ahensya.
