Nagpanawagan ti Samahang Industriya ng Agrikultura (SINAG) iti gobierno a kissayan ti panagangkat iti baboy tapno masuportaran dagiti lokal nga agtartaraken ken mapapigsa ti produksyon iti uneg iti pagilian.
Segun ken ni SINAG Chairman Rosendo So, rumbeng nga ibaba iti 550,000 metric tons iti maangkat ita a tawen manipod iti dati nga 850,000 metric tons gapu iti sobra a suplay iti immunan a naangkat a baboy.
Kinunana a napunnon dagiti cold storage iti imported a karne ken padpadarasen dagiti importer iti panagilakoda iti lokal a merkado.
Maibasar iti kaudian a listaan iti industriya, umabot iti 1.58 million metric tons ti pakabuklan a konsumo iti baboy idi napan a tawen idinto a 1.06 million metric tons laeng iti lokal a production. Naglabes met iti 851,000 metric tons iti naangkat.
Gapu iti sobra a suplay ket bimmaba ti presyo iti lokal a baboy ken nadismaya dagiti agtartaraken iti baboy nga agpa-adu iti tarakenda.
