Nasurok a 36,000 a rescue personnel ken assets, agraman dagiti naggapu iti militar, Coast Guard, ken local government units, ti nai-deploy para iti quick respond iti aniaman a damage gapu ti bagyo.
Kabayatanna, adda stockpile ti Department of Social Welfare and Development (DSWD) a 1.3 milion a family food packs a nakasaganan a maiwaras kadagiti maapektaran iti Super Typhoon Pepito, nangruna dagiti lugar nga agrek-recover manipud iti kallabes a bagyo.
Gapu ta iti Bicol Region ti direkta a maapektar ti Pepito, dagiti lokal nga autoridad ket mangar-aramid kadagiti proactive measures.
Nagiwaras ti Ako Bicol party-list kadagiti baro a rubber boat ken heavy equipment tapno mapasayaat ti emergency response capabilities.
Imbilin ti Legazpi City ti panagbakwit dagiti umili kadagiti lugar a napeggad ti landslides ken flooding.
Ti Camarines Sur ket nangipatulod kadagiti evacuation teams kadagiti high-risk areas ken nagisagana kadagiti alternative evacuation centers.
