Gobierno, madanagan iti posible nga epekto ti La Niña iti produksyon ti taraon iti pagilian

Aminado ti Department of Agriculture a mabutengda iti posible nga agbalin nga epekto ti napigsa a bagyo ken La Niña iti produksyon ti taraon iti pagilian.

Segun ken ni Laurel, iti naglabas nga El Nino pay laeng a bumaba ti rice production iti umuna a kagudwa a tawen gapu iti nakaro a kinapudot.

Innayonna nga adda met kuarta ti gobierno tapno agimula ken namnamaenna a maabrut ti pukaw iti first quarter, no la ket saan a matamaan iti napigsa a bagyo ti pagilian.

Inaig dayta, mangipatungpal iti emergency procurement ti ahensia para kadagiti backhoe ken bulldozers a naiwaras kadagiti nalayus a lugar tapno maliklikan ti epekto ti layus iti maudi a paset ti tawen.