--Ads--
Pinasingkedan ti Philippine Ambassador to Austria nga ikagkagumaan ti gobierno a maipila ti kaso kontra iti Slovenian a nangpapatay iti Filipina nga asawana.
Segun ken ni Philippine Ambassador to Austria Evangelina Lourdes Bernas, simmangpet idiay Cebu ti bangkay ni Marvil Facturan idi Sabado.
Madama met ti panangileppas dagiti Slovenian authorities iti autopsy report nga ipatulodda iti korte.
Maipalagip a napapatay ni Facturan babaen iti asawana a ni Mitja Kocjancic kabayatan ti bakasyonda idiay Bled, Slovenia idi December 29.
-- ADVERTISEMENT --
Iti agdama, nakaibalud ni Kocjancic iti forensic prison idiay Slovenia, maysa a pagbaludan kadagiti adda parikut iti panagpampanunotna a nakaaramid iti krimen.
