Rugian ita a tawen ti gobierno ti mangipatakder iti 99 a cold storage facilities tapno mayatiddug ti shelf life dagiti apit ken agtalinaed nga stable tis uplay ken presyo, kas pinasingkedan ti Department of Agriculture.
Dagiti naplano a pasilidad, a paset iti P3-billion DA project, ket nababa laeng ti gatadna ken patarayen ti renewable energy sources ken ti power grid.
Segun iti DA, kaaduan kadagiti babassit a cold storage facilities – modular chillers a makaurnong iti 7 agingga 15 metric tons ket manamnama a maaramat ita a tawen.
Dagiti met dakdakkel a pasilidad ket napapaot ti pannakaipatakderna ta posible nga abutenna ti sangapulo ket walo agingga duapulo ket dua a bulan.
Mapondoan ti proyekto manipud iti P1.5 billion nga unprogrammed funds iti 2024 national budget ken sabali pay ti P1.5 billion iti badyet ita a tawen.
