Impakaammo ni Department of Public Works and Highways (DPWH) Secretary Manuel Bonoan ti plano ti gobierno nga agaramid iti baro a rangtay iti asideg ti San Juanico Bridge.
Segun ken ni Bonoan, ti baro a rangtay ket 2.6 kilometers iti kaatiddogna, naat-attiddog ngem iti agdama a rangtay.
Kinunana a mapondoan ti rangtay babaen ti official development assistance manipod Japanese government.
Ti agdama a San Juanico Bridge ket dumalan ti rehabilitation kalpasan ti napalabas nga assessment maipanggep ti structural integrity.
Imbayogen dagiti otoridad ti blue alert kasaruno ti pannakaipatungpal ti limitado a dagsen dagiti lugan a lumabas. Ti kayat a sawen ti Blue alert status ket nainget iti panagsagana ken panagalerto dagiti ahensya.
Ti San Juanico Bridge ket nangrugi a naaramid idi 1969 ken nakompleto idi 1973, isu ti maikatlo a kaatiddogan a rangtay iti Pilipinas a nakakonektar iti isla iti Samar ken Leyte.
