VIGAN CITY- Nakaragsakan ni Ilocos Sur Gov. Ryan Singson dagiti positibo a komento dagiti delegado ti 2018 Palarong Pambansa nga immunan a simmangpet ditoy probinsiya ta marikna da kangrunaan dagiti taga Mindanao ti sabsabali a panagtrato.
Gapu iti dayta ket kayat ti gobernador a pagtalinaeden iti napintas a komento dagiti delegado agingga iti maudi nga aldaw iti sporting event ngem magun-od na laeng babaen iti tulong dagiti umili.
Kiniddaw ni Singson kadagiti negosyante ken transport secrtor a saan da a manggundaway ketdi ipakita a disiplinado tayo a taga Ilocos Sur.
Inpalagip nti gobernador nga ado a rigat ti dimmalanan ti provincial government tapno mangabak iti bidding para iti 2018 Palarong Pambansa isu a kasapulan iti panagkaykaysa tapnon awan iti pakababalawan.
