--Ads--
VIGAN CITY – Napalaus iti panagyaman ni Governor Ryan Singson kadagiti kameng ti 702nd Infantry Brigade iti panangpatalinaed da iti kappia, linak ken talna ditoy probinsiya.
Dayta ket kagiddan iti naisayangkat a Local Chief Executive Forum on Peace Convergence in line with ELCAC nga inatendaran dagiti mayor dagiti naduma-duma nga ili ken ti dua a syudad.
Ti panagsarita ti gobernador, nadakamat na a masapul a raemen iti trabaho dagiti suldado agsipud ta isuda iti kanayon a maipaspasango kadagiti ranget nu adda dagiti managdakdakes nga agdakiwas iti aniyaman a paset iti probinsiya.
Kagiddan iti dayta, ingunam-gunam ti gobernador a masapul a mapapigsa iti seguridad tapnu mapagtalinaed iti kappia, linak ken talna.
-- ADVERTISEMENT --
