VIGAN CITY – Nagpaut iti lima a minutos iti ginggined a napasamak idiay Turkey a nakaapektaran pay idiay Lebanon.
Iti pannaki-uman ti Bombo Radyo Vigan ken ni Bombo International News Correspondent Melanie Corcotchia, arigna saan a makagaraw iti nerbiyosna idi napasamak ti ginggined itay parbangon ta adda isuna iti maika-sangapulo a kadsaaran iti pasdek a pagnanaedanna kaduana iti amona ngem bayat dayta ket nagkarkararag latta isunan para iti kinatalgedda.
Segun ken ni Corcotchia, iti uneg iti sangapulo ket walo a tawen a panagnaedna iti nasao a pagilian ket ita laeng a napadasanna iti kasta kapigsa a ginggined.
Nupay kasta ket awan iti nadangran a Pilipino iti nasao a ginggined ta apaman a napasamak ket nagdidinnamagda iti sitwasyonda a Pilipino babaen ti social media.