VIGAN CITY – Inlawlawag ni Dr. Trina Tabboga Talaga, Chief of Hospital ti Ilocos Sur Provincial Hospital a maberipika pay laeng no positibo iti Covid19 dagiti ginasut nga empleyado ti Ilocos Sur Provincial Capitol a nagpositibo iti antigen testing a kaaduan kadakuada ket manipud iti ili ti Narvacan.
Iti pannaki-uman ti Bombo Radyo Vigan ken ni Talaga, screening pay laeng ti napasamak ngem nupay kasta, 92 agingga 98 percent nga accurate ti antigen test ngem depende laeng iti timing.
Patien ni Talaga a gapu ti napalukayan a borders ditoy probinsia ken dagiti kaso nga extensive ti contacts-na ti mabalin a rason no apay nga umad-adun ti kaso isu a nagpalagip a masapul a sumurot kadagiti pagannurotan.
Nupay kasta, nalpasen a na-test dagiti amin nga empleyado ti kapitolyo ket mayuray ti panagnegatiboda iti testing sakbay nga agsublida iti trabaho ta masapul pay a makompletoda latta ti 14-day quarantine uray no negatibodan iti swab test.
Kadagiti dua gasut a natest iti agtultuloy nga antigen testing a maar-aramid idiay kapitolyo ket maysa laeng ti nagpositibo
