VIGAN CITY – Umabot iti nasurok sangagasut a ribo a turista ti inisyal a rekord dagiti pimmasyar ditoy probinsia kabayatan iti Semana Santa isu nga arigna fully-booked amin dagiti tourism related establishment.
Iti pannaki-uman ti Bombo Radyo Vigan ken ni Provincial Tourism Officer John Noel Andaya, saan laeng nga iti Vigan City ti fully booked iti accommodation establishments na no di ket uray kadagiti sabali pay nga ili.
Sakbay pay ti manamnama a panagadu dagiti agsangpet a turista ket nabalakadanda met nga agsagana dagiti tourism-related establishment kas dagiti tourist spot, accommodation ken dagiti panganan.
Malaksid dayta, nagikabilda pay iti tourism assistance desk kadagiti nagduduma nga ili as makita dagiti turista ken dagiti passers-by agsipud ta patienda a babaen daytoy ket tapno masungbatan ti amin a saludsodda ken maital-o payen dagiti nadumaduma a tourist spot iti probinsia ta adda inaramidda a listaan dagiti mabalinda a pagpasyaran.
