VIGAN CITY – Mamati ti beterano a sports analyst a ni Quinito Henson a kabaelan ti Gilas Pilipinas iti makastrek iti sumaruno a rikos ti FIBA World Cup ngem marigatan da laeng gapu kadagiti dadakkel a teams a kalaban da iti Group D kas dagiti European powerhouse team a Serbia ken Italy, ken ti Afrobasket champion nga Angola.
Ti pannaki-uman ti Bombo Radyo Vigan ken ni Henson, nu bilang maabak dagiti Pinoy cagers kontra ti Serbia, masapul laeng nga ibukbok ti Gilas ti sangagasut ket lima pulo a porsyento a laing da iti laban da kontra ti World No. 13 nga Italy inton Sabado idiay Foshan City, China.
Kabayatanna, inbaga na a masapul a saan a tagibassiten ti Gilas ti Angolan squad uray nu awan ti maipagpannakkel da a NBA players.
Inpaganetget na pay nga uray nu saan a makastrek iti maikadua a rikos ti Gilas, dakkel a pakaidayawanen para ti Philippine team iti makaay-ayam iti nasao a pretihiyoso a torneyo.
