Inabak ti Gilas Pilipinas iti umuna a gundaway ti grupo ti New Zealand iti iskor a 93-89 iti labanda ti FIBA Asia Cup Qualifiers iti Mall of Asia Arena idiay Pasay City.
Gapu iti pannangabakda ket dakkel ti tyansa ti Gilas a makaala ti tiket para ti FIBA Asia Cup a mapasamak idiay Saudi Arabia inton sumaruno a tawen kalpasan nga indauluanda ti Group B standings a 3-0.
Nainget iti laban ti first half ta nagtabla iti 54, sakbay nga insayangkat ti Gilas ti 18-6 run a nakaalaanda iti 72-60 a kinalamang kalpasan iti maikatlo a quarter.
Natibker iti Gilas a nangsalaknib iti lamangda ta naipastrek ni Justin Brownlee iti dua a free throws.
Indauluan da Brownlee ken Kai Sotto iti Gilas kontra ti No. 22 iti lubong a New Zealand a nagpada a nakairekord iti double-double performance.
