Giant tortoises, naisublin iti Galapagos Island

Pinasingkedan ti environment ministry iti Ecuador a winaya-wayaanda iti 158 giant tortoises iti Floreana Island, maysa a major step iti reintroduction program a gagem a marestore iti lineage a napukaw iti lokal idi 19^th century.

Ti pannakawaya-waya ket babaen ti Galapagos National Park Directorate kas paset iti Floreana ecological restoration project.

Segun ti ministry dagiti tortoise ket pinadakkel ti Fausto Llerena captive breeding center idiay Santa Cruz Island, babaen ti ayup nga adda natibker a genetic ties-na iti lineage a nadiskubre iti Wolf Volcano.

Innayon ti ministry a ti release ket naigagara para iti masakbayan a reintroduction iti agingga sangapulo ket dua nga endemic species a maikonsiderar a locally extinct iti isla.