Pormalen nga inawat ti National Police Commission ti optional retirement ni PGEN. Nicolas Torre III, a naikeddeng nga immakar manipud ti serbisio ti PNP a napan iti sibilyan a panangidaulo iti Metropolitan Manila Development Authority (MMDA).
Daytoy ket mangted dalan ken ni Acting PNP Chief Lt. Gen. Jose Melencio Nartatez Jr. kas sumaruno a hepe ti national police gapu ta mayur-uray laeng kenkuana ti four-star rank.
Ni Torre ket nagserbi iti PNP iti agduduma a posision sakbay a madutokan iti MMDA a manamnama a mangted ti kapadasan iti panagserbi ken seguridad.
Kabayatanna, ni Nartatez ket nabigbig iti kampania-na para iti naing-inget a disiplina iti kapulisan.
Nasurok maysa ribo a pulis ti na-dismiss ken nasurok maysa ribo ti nasuspenso idi 2025 gapu iti kaso nga administratibo nga inaksionan ni Nartatez. Reynand Fontejon
