Imbilin ni Gen. Rommel Francisco Marbil, chief ti Philippine National Police ti recalibrated approach iti kampanya kontra iligal a droga a mangipangruna kadagiti paggapuan ken supply chains imbes nga agpokus kadagiti street-level pusher ken user.
Inlawlawag ni Marbil a saan a marisut ti parikut iti iligal a droga no ti pokus ti operasyon ket dagiti babassit ken low-level players iti illegal drugs trade.
Basar iti baro nga estratehia, dagiti intelligence-driven operation ken stronger community engagement ket ipangrunana ti pannakabigbig ken pannakaparmek dagiti drug trafficking network.
Segun pay ken ni Marbil, ti panagpokus kadagiti high-value drug personalities ken ti panaggaraw ti iligal a droga iti intero a pagilian ket nasken nga isu ti target agsipud ta isuda ti makaganganansya iti dakkel.
