VIGAN CITY – Naipatungpal iti General Community Qauarantine iti ili ti Bantay manipod June 28 agingga July 12 iti agdama a tawen kas maibasar iti Provincial Government of Ilocos Sur Executive Order No. 55 Series of 2021.
Nayunay-unay iti panangsurot iti maysa a metro a social distancing, masansan a panagbuggo iti ima babaen ti sabon ken danum wenno panagaramat iti alcohol ken panangliklik iti panangiggem iti high contact surfaces.
Nainget a maipatungpal iti home quarantine ken limitado laeng iti tignay dagiti essential goods ken services manipod napalubosan nga establisyimento ket rumbeng nga agtalinaed laeng iti pagtaengan dagiti agtawen ti sangapulo ket walo agpababa ken agtawen ti innem a pulo ket lima agpangato, addaan iti immunodeficiency ken comorbidity wenno narisgo iti sakit ken dagiti masikog.
Tallopulo agingga limapulo a porsiento iti venue seating capacity iti religious gathering, tallopulo a porsiento iti venue seating capacity iti natayan ken maiparit iti mass gathering kas iti movie screening, concert, sporting event, entertainment activities ken work conferences ngem limitado iti LGU-initiated gatherings.
No ride policy met nu saan a nakaaramat iti facemask ken face shield iti transportasyon ta dagiti mapalubosan laeng nga agkalubbon iti motorsiklo ket dagiti agkabbalay a mapan agtrabaho ken APOR, ti nakatraysikel ket maysa laeng iti mailugan nga agtalinaed iti uneg ken nu maipapan ti PUB wenno UV express ket agingga limapulo a porsiento iti kapasidadna.
Maipalubos iti outdoor non-contact sports ken exercises nu laketdi masurot iti minimum health standards idinto a maipaay iti quarantine pass slip babaen kadagiti barangay officials tapno makontrol iti panagtignay dagiti agindeg.
Kabayatanna, alas dies iti rabii agingga alas singko iti bigat iti curfew hour iti nasao nga ili gapu iti pannakaidalan ti GCQ.
