VIGAN CITY – Naawat ti Ilocos Sur Maritime Police Station ti Gawad Pasasalamat a nagtaud iti national ken regional ti Bureau of Fisheries and Aquatic Resources inaig iti naisayangkat a maika-limapulo ket siam a tawen nga anibersaryoda idi September 12, 2022.
Iti pannaki-uman ti Bombo Radyo Vigan ken ni PMaj. Romel Lazaga iti ISMPS, naawatda iti nasao nga award gapu kadagiti ipapatungpalda iti local ken provincial ordinances a naipasa iti central office.
Pagyamananna iti panangbigbig kadakuada iti national ken regional ta ti laeng naipasa iti central office ket iti accomplishments-da iti violation iti municipal ken provincial ordinances ket saan a nairaman ti joint operation iti masakupan iti probinsia.
Kabayatanna, nupay kuray ti water assets iti ISMPS ket agtigtignayda latta para iti sea patrol ket nagyaman isuna ti provincial government gapu iti naka-steady latta a bangka iti kabaybayan iti Magsingal nga isu ar-aramatenda, maysa iti na-issue a bangka idiay Cabugao ken adda mabulodda a bangka ken issued robber boat idiay Sta. Cruz.
