Isingsingasing ni Senate President Win Gatchalian ti pannakaipasa ti Comprehensive School Safety Act wenno Senate Bill No. 2426 kas sungbat iti nagsasaruno nga insidente ti kinaranggas kadagiti pagadalan, agraman ti kaudian nga insidente iti Banga National High School iti South Cotabato.
Iti salinong ti gakat, mangbukel ti Department of Education, kaduada dagiti ahensia ti gobierno ken local government unit, ti National Comprehensive School Safety Framework para iti panangliklik, panangtaming ken panagbangon manipud kadagiti pangta iti pagadalan.
Mabilin pay amin ti kada pagadalan nga agaramid ken tinawen a mang-update iti School Safety Plan ken School Safety Handbook a naglaon kadagiti safety policy, emergency procedures, support services ken code of conduct.
Segun ken ni Gatchalian, kasapulan nga agbalin a proactive dagiti pagadalan iti panangkita ken pananglapped kadagiti pangta tapno masigurado ti kinatalged dagiti agad-adal.
