VIGAN CITY – Manarimaan iti naununeg nga imbestigasyon ti Bureau of Fire Sto. Domingo iti napasamak nga uram idiay Brgy. Parada, Sto. Domingo, Ilocos Sur.
Iti pannaki-uman ti Bombo Radyo Vigan kenni Fire Inspector Glenn Paat, Municipal Fire Mashal iti Sto. Domingo BFP, adu dagiti anggulo a kitkitaenda ti napasamak a pannaka-uram ti pagtaengan ni Juanity Fernandez nga ab-abangan ni Liberato Ambrocio.
Adda ti nakakita a nakagangat ti christmas light ti nasao a pagtaengan ngem pinaglibakan ni Ambrocio ta kinunana a sakbay a rimmuar ket inikkatna amin a nakagangat nga appliciances da.
Innayon ni Paat nga inikkatdan ti posibilidad nga adda iti nangrangta a nanguram ti pagtaengan ta awan iti nakitada a nagaramid ngem nupay kasta saanda nga agsardeng nga imbestigaran ti nasao a pasamak.
Iti agdama mai-yururay ti pakabuklan a gatad ti sanikua a nauram iti nasao a barangay.
