VIGAN CITY – Dukduktalen dagiti kameng ti Bureau of Fire Protection- Vigan City no ania ti pudno a nagtaudan ti uram iti maysa a two-storey a pagtaengan idiay Pantay Laud, Vigan City ken mano ti gatad iti nadadael a sanikua.
Iti pannaki-uman ti Bombo Radyo Vigan ken ni Fire Senior Inspector Rex Dela Cruz, City Fire Marshal pinasingkedan ti maysa a baro nga agnaed iti a pagtaengan manipud iti maikadua a kadsaaran a ti mapapati ket adda nabaybay-an a nakasaksak.
Awan ti nagbanagan ti akin-ngato a paset ti nasao a pagtaengan gapu ti uram ken mapatta-patta a limapulo a porsiento ti nadadael met iti salas ngem nupay kasta, awan ti nadangran.
Nagpalagip ni Dela Cruz iti publiko a saan a rumbeng a panawan dagiti nakasaksak nga appliances ken siguradwen a nakasarra dagiti LPG tank ken gas stove tapno maliklikan ti uram.
