VIGAN CITY – Dukduktalen pay laeng dagiti otoridad nu manu iti pakabuklan a gatad na dagiti nadadael a sanikua iti pannaka-uram ti maysa nga ancestral house idiay asideg Gen. Luna Street, Vigan City tattay bigat.
Ti nasao nga uram, maysa ti natay a nabigbig a ni Eric Hassan Singson Hernandez nga agtawen ti lima pulo nga agnaed idiay Barangay 1, Vigan City.
Mapapati a saan nga insigida a nakaruwar ti biktima ta nadaras a nagkayamkam iti apoy ta naaramid laeng kadagiti light materials iti nauram a pagtaengan.
Mapatta-patta nga umabot ti dua nga oras iti panangdepdep dagiti otoridad iti nasao nga uram sakbay a naideklerar a fire-out.
Malaksid iti gatad dagiti nadadael a sanikua, dukduktalen pay dagiti otoridad nu anya iti nagtaudan iti apoy a nagkayamkam iti nauram a pagtaengan.
